chevelu

I.

Chevelu, m. acut. Est appelé non celuy qui n'est point chauve, ains celuy qui porte la chevelure longue, Caesariatus, capillatus, crinitus, qui promisso vtitur capillo. Tel fut le surnom de Hlodio second Roy payen de France. Nicole Gilles en la Chronique d'iceluy: Cestuy fut appelé le Chevelu, parce qu'il portoit longue chevelure en la teste. Or dit Aimoinus au li. 1. ch. 4. parlant dudit Hlodion, qu'en ce temps là les Rois de France portoient longue chevelure, laquelle estoit descendant sur les espaules, ainsi qu'on peut voir en maintes statues de Rois de France, qui sont au palais à Paris, et ailleurs és anciens sepulchres des grands seigneurs du Royaume, comme en la ville d'Eu et autres parts. Ainsi ledit Aimoin au li. 3. ch. 61. dit, que Gondovauld fut eslevé par sa mere à la façon des Rois de France de jadis, portant la chevelure longue à merveilles, à cause de laquelle coustume ancienne, à ceux qui estoient du sang, habiles à heriter et quereler la Couronne, quand on les en vouloit priver et desheriter, estoit ordinairement la chevelure abbatue, et les rendoit-on Moines. Lesquels voulants recouvrer ce qui leur avoit esté tollu, la laissoient recroistre. Ce qui estoit une qualité requise à subir et intenter une telle querele, comme appert par plusieurs nos Annales, et par la loy Salique au tiltre xxvi. estoit establie amende pecuniaire de deux mille cinq cents deniers de la monnoye de ce temps là contre celuy qui tondoit le chevelu.

Chevelue, f. penac. Crinita. Estoile chevelue, Stella crinita comata.

II.

Chevelu, Capillatus, Comatus, Crinitus.

Thresor de la langue françoyse. Jean Nicot.